A fin de semana de judo
remataba co Campionato de Galicia Junior, celebrado hoxe domingo 04 de
xaneiro no pavillón de Santa Isabel en Santiago. A nosa expedición se
compoñía de 3 judokas, unha mágoa as diferentes ausencias que tivemos
para este evento. En xeral houbo bo judo dos nosos, pero deixamos pasar
varias oportunidades.
En
-60 kg, David Alvarez, aínda cadete, perdía en primeira ronda e ficaba
sen repesca, ante Candanedo, judoka do Shiai. Non estamos moi
satisfeitos con este resultado, xa que o ritmo do combate e as accións
de perigo foron en todo momento de David, quen mesmo marcou un wazari
que foi correxido polos árbitros de mesa. Entendemos que o rival mereceu
varias sancións por falta de acción e, sobre todo, por tres seoi de
xeonllos do rival sen desequilibrio consecutivos que non foron
castigadas. Esto nos leva á golden score, onde perdemos....
Alex
Quintana, tamén en idade cadete, saía en -73 kg dominando claramente a
Aaron García, logramos o wazari e despois saímos sos do tatami 2 veces
seguidas que son xustamente sancionadas. A continuación Alex proxecta de
cadeiras, o rival cae de costado sobre un brazo e logo toca con todas
as costas. O árbitro da wazari, pero é rectificado desde mesa. Logo
volvemos a xogar no borde da zona de competición, somos sancionados e
nos marchamos para casa....
En
-73kg voltaba ás competicións Pablo Pérez, como junior de primeiro ano,
tras subir unha nova categoría de peso, na cal se estreaba no galego.
En primeira ronda victoria por 2 wazari de uchi mata e seoi ante
Rodríguez do Encontro. En cuartos, ippon de seoi ante Pasarín do Lugo.
En semis a fortaleza nos agarres do rival do Shiai Ion López leva a unha
derrota rápida. No bronce pensamos que puidemos facer mais ante
Miragaya do Senra, quen foi quen de impoñer o ritmo que lle conviña e
marcou wazari nunha acción de enganche que ben puido ser para Pablo e
logo outro wazari de cadeiras. Unha mágoa, pero en xeral bo día para
Pablo.
Boa
experiencia coma sempre e os cadetes a aprenderen de hoxe para os seus
compromisos na súa categoría de idade. Pola mañán o noso árbitro Pedro e
os senseis Nico e Manuel participaron no curso de reciclaxe de
arbitraxe organizado pola Federación Galega.
No hay comentarios:
Publicar un comentario