Hoxe día 8 de decembro volvemos para casa logo da desputa da 2ª xornada da Liga Rías Altas con sensacións en xeral boas, aínda que con moitos matices. Tralas baixas por enfermidade de Xavi e Breogán, @s nos@s sub-18 trouxeron 5 medallas e, sobre todo, moitos combates, dos que sacamos lecturas positivas e tamén algunhas negativas, pero que podemos correxir.
Mateo Bello +90 Kg, volvía a colleitar unha medalla, desta vez de ouro, tras desputar 3 combates que gañou de formas variadas: primeiro tras proxectar de makikomi e inmoviilzar; o segundo, a pesar de ser dominado nos agarres polo rival do Base, cunha proxección de xeonllos; finalmente, no terceiro por makikomi de esquerdas. Temos que traballar algúns fallos nos agarres, pero en xeral bos combates, judo variado e Mateo que segue a mellorar cada día.
Javi Veloso en -55 kg realizou unha competición moi irregular, pero da que sacamos varias conclusións positivas: o seu terceiro posto, a realización de 4 combates quen nos veñen moi ben como previos á Copa de Canarias e un par de victorias con matices que son importantes. A primeira victoria viña no primeiro combate contra o seu rival do Coruña na golden score e tras os 3 shidos do judoka herculino. Complicouse moito Javi este combate, onde tivo a Prieto polo aire con seoi pero non fomos quen de proxectar. O mellor, a victoria por amonestacións, tras varios minutos entrados na golden score, que nos axudan a aprender a sufrir no combate. O segundo combate foi dos peores, cun rival do Hércules que nos levaba por onde queriamos e nós nada finos nos agarres. Derrota por dous wazaris para continuar con outra derrota contra Oria do Base nun mal combate nas defensas. O cuarto combate, bo ippon de técnica de sacrificio ante o judoka do JK. Moitos erros traidos dos entrenos que nos deben facer reflexionar se o que queremos é que se vexan nos campionatos os erros ou os progresos dos entrenos. Aínda así, quedamos co feito de que fixo 4 combates que nos veñen de perlas para traballar nos entrenos e correxilos.
Tomás Vázquez obtiña un bronce que nos sabe a pouco en -60 kg. Victoria rápida contra o judoka do Base, para logo ter un combate moi duro contra o coruñés Lestón, que entrou en golden score. Certo é que o rival é duro, pero tamén cometimos moitos erros nos desplazamentos que, de feito, levaron a un desequilibrio propio de Tomás que aproveitou Lestón para levarse a victoria. No bronce marcamos wazari contra Gutiérrez, competidor do Hércules, para inmovilizar. Chegamos con 20 combates en 4 eventos ata a Copa de Canarias, onde esperamos dar un paso máis arriba, tras pulir os erros vistos hoxe, aínda que temos igualmente que suliñar que hoxe mostramos un judoka máis aberto e produtivo, froito do traballo durante a semana,.
En -66kg gran bronce de Mario Vilaseco, que quizáis puido ser máis de saír máis centrados no primeiro combate ante o judoka do Bergantiños, en gran parte polas primeiras malas sensacións consecuencia en boa parte de chegar enfermo á competición. Mario tenos acostumados a facer de máis a menos; esta vez foi ao revés e fomos de menos a máis, para finalmente desenvolver un judo seguro e con recursos que levaron ao bronce tras 5 combates en total. No primeiro combate de repesca ippon rápido ante o rival do Ferrolterra. Repetimos modelo ante o judoka do Bitácora, para logo gañar por juji gatame no seguinte e duro combate. No bronce, con seguridade marca wazari para inmovilizar. Sen dúbida unha gran mellora na actitude e vemos unha boa evolución froito do traballo nos entrenos.
En -52 kg prata para Claudia Martínez, quen mostrou mellor cara que na última competición, grazas á calidade dos seus últimos entrenos, pero tamén cometimos algúns erros, que se pagan caros, sobre todo ante unha rival de calidade, como é a judoka do Hércules, quen obtía o ouro.
Claudia López en -57 kg comezaba un combate contra a judoka do Liceo, Baldonedo, que parecía podiamos levar ao noso terreo, pero pouco a pouco nos fomos desinflando e fixemos un regalo en judo chan, ben aproveitado pola rival. Na repesca derrota cun seoi ante a compostelana Rial, quen sabiamos o que fai, pero non fomos quen de buscar solucións. Temos que traballar e moito no modo en que entrenamos, porque é o único xeito de conseguir a confianza que nos falta nos campionatos ata o de agora.
En xeral, moitos combates, varios deles de calidade, outros, menos, pero sufridos, que son a miúdo dos que máis se aprende. Tamén, varios erros traídos de malos hábitos dos entrenos, pero ao mesmo tempo moitas cousas boas tamén froito dos bos hábitos dos entrenos. Co cal, sabemos onde correxir e onde seguir incidindo para avanzar. ¡¡Noraboa a tod@s polo seu esforzo!!
