Hoxe sábado 15 de outubro saían @s nos@s judokas s18 ao tatami na súa primeira competición da nova tempada, co cal temos que valoran a participación nese mesmo contexto: probarse, mellorar e sacar lecturas positivas e tamén das cousas a correxir. Tamén hai que engadir que varios deles están inmersos na preparación do exame para cinto negro.
Noraboa primeiramente a Mateo Bello en +90kg, na súa primeira competición como s18, quen era quen de lograr o bronce. En primeira gañaba ao asturiano Menéndez, para perder en semis en gañar o bronce nun combate tacticamente moi ben plantexado e executado ante un judoka de moito máis peso.
Tomás Vázquez en -60 kg segue a estar sempre arriba, pero tamén nos quedamos esta vez a sensación de que quizáis era quen de estar máis arriba aínda. Tras cinco combates nun peso hiperconcurrido, conseguía o 7º posto. En primeira victoria ante o canario Cabrera e tras dúas novas victorias, viña a derrota en cuartos ante o rival portugués. Na repesca victoria para logo derrota ante Cherkesov. Moito mérito o seu resultado nun peso con case 60 judokas.
Mario Vilaseco en -66 kg empezaba librando en primeira, para logo seguir con victoria de ura nage ante o andaluz de la Cruza, para logo ser derrotado. Na repesca derrota en judo chan, cando estaba el levando a iniciativa, pero un despiste levounos á derrota. A seguir traballando, que é o camiño para que Mario estea nos postos que por potencial pode lograr.
Claudia López en -57 kg pasaba de ronda ante a súa rival italiana, para logo perder por ippon exprés. Temos que seguir traballando a confianza con Claudia, xa que non é fácil a adaptación á evolución de categoría de peso, cando cambiamos 2 de golpe. Ánimo a Claudia e a seguir coa súa constancia.
O resto d@s nos@s judokas quedaron na primeira ronda sen repesca: Javi Veloso en -55 kg, Breogán Olives -60 kg e Claudia Martínez en -52 kg.
Insistimos na dificultade deste evento, con moita participación e de alto nivel con judokas estranxeiros e moitas comunidades autónomas fortes, con pesos cun número moi elevado de participantes, o momento da tempada, a nosa primeira competición nun tempo, preparación do cinto negro...
Ánimo a tod@s e a seguir dándolle forte!
No hay comentarios:
Publicar un comentario